Sulsher: "Fernandesh uchun 99 foiz kamlik qiladi"

Angliyaning «Manchester Yunayted» klubi bosh murabbiyi Ole Gunnar Sulsher jamoa yarim himoyachisi Brunu Fernandesh ko'rsatayotgan o'yin haqida fikr bildirdi.

— U menga o'yinchi sifatida Skoulzni eslatib yubormoqda, lekin u maydon tashqarisida umuman boshqa inson. «Bryugge»ga qarshi o'yinda almashtirishni amalga oshirgunimcha qadar u zahira o'rindig'i yonida yurdi, keyin boshlang'ich tarkibdagi yigitlardan unga yordam berishlarini so'radim. U maydonda o'tkazgan 10 daqiqa mobaynida biz jamoaning o'yinidagi o'zgarishni sezdik. U o'yinni boshqaradi, u etakchi va g'olib.Unga 99 foiz kamlik qiladi, u meni hayron qoldirdi, — dedi Sulsher Goal portaliga.