"Inter" EChLda ketma-ket 2 o'yinda yutqazdi

"Inter" o'z maydonida Chempionlar ligasi guruh bosqichi 6-turidan o'rin olgan bahsda "Liverpul"ga (0:1) yutqazib qo'ydi.

Shu tariqa, Kristian Kivuning jamoasi turnirda ketma-ket ikkinchi mag'lubiyatga uchradi - 5-turda "neradzurrilar" "Atletiko"ga yutqazdi (1:2).

Bungacha "Inter" Chempionlar ligasida ketma-ket 4 o'yinda g'alaba qozongandi - "Ayaks" (2:0), "Slaviya" (3:0), "Yunion" (4:0) va "Qayrat"ga (2:1) qarshi o'yinlarda.

Italiyaliklar 7-turda o'z maydonida "Arsenal"ga qarshi bahs olib borsa, 8-turda "Borussiya" Dortmund mehmoni bo'ladi.