Holand to'xtamayapti!

Dortmundning «Borussiya» klubi Bundesliga doirasidagi bahsda safarda «Verder»ni 2:0 hisobida taslim etdi.

Uchrashuvning 66-daqiqasida Ashraf Hakimining uzatmasidan so'ng Erling Holand o'z nomini tabloga yozdirib qo'ydi.

Bu Holandning «arilar» safidagi barcha turnirlardagi 8-o'yindagi 12-goli bo'ldi.

Ma'lumot uchun, joriy mavsumda 19 yoshli futbolchi 30ta o'yinda ishtirok etib, 40ta gol urishga erishdi. Holand mavsumning ilk qismini «Zaltsburg» safida o'tkazgan edi.