Messi o'zi o'rnatgan jahon rekordini yangilashda davom etmoqda

Argentinalik hujumchi Lionel Messi o'zining 48-sovrinini qo'lga kiritdi va shu tariqa qo'lga kiritilgan jamoaviy sovrinlar soni bo'yicha jahon rekordini yangiladi. 2025 yilgi MLS kubogi pley-off finalida uning jamoasi "Vankuver Uaytkeps"ni 3:1 hisobida mag'lub etib, Shimoliy Amerika ligasi chempionligini qo'lga kiritdi.

Bu ko'rsatkich bo'yicha ikkinchi o'rinda Messining "Barselona"dagi sobiq sherigi braziliyalik Dani Alves (45) turibdi.

Messi 2023 yildan beri "Inter Mayami" sharafini himoya qilmoqda. Uning klub bilan shartnomasi 2028 yilgacha mo'ljallangan. U joriy mavsumda barcha musobaqalarda 41 ta o'yinda maydonga tushib, 38 ta gol urdi va 23 ta golli uzatmani amalga oshirdi.