"Muzokaralar bo'ladi": Ryudigerning "Real"dagi kelajagi hali aniq emas

Madridning "Real" klubi markaziy himoyachi Antonio Ryudiger bilan muzokara o'tkazishni rejalashtirgan.

32 yoshli futbolchining amaldagi shartnomasi joriy mavsum yakunlangach o'z nihoyasiga etadi. Shartnoma muddati tugagach, tomonlar hamkorlikni davom ettirishi yoki ettirmasligi hali aniq emas. Jurnalist Fabritsio Romanoning ma'lum qilishicha, yaqin oylarda "qaymoqranglilar" vakillari Ryudiger bilan muzokaralar o'tkazadi. So'nggi paytlarda nemis futbolchisi jarohatlar tufayli tez-tez safdan chiqmoqda, ammo u jamoa etakchisi bo'lib qolmoqda va kiyinish xonasida muhim rol o'ynaydi.

Antonio Ryudiger "Real" safida 2022 yildan buyon to'p surib kelmoqda. Bu yilgi mavsumda tajribali markaziy himoyachi atigi uch marta maydonga tushdi.