Kuper: «Bugungi o'yinda himoya chizig'idan ko'nglim to'ldi»

Osiyo kubogi guruh bosqichi 2-turidan o'rin olgan Turkmaniston va O'zbekiston o'yini bo'lib o'tdi.

Matbuot anjumanining ikkinchi qismida O'zbekiston milliy terma jamoasi bosh murabbiyi Ektor Kuper qatnashdi.

“Natijadan to'liq qoniqish hosil qildim. Birinchi bo'limni juda yaxshi o'tkazdik. Eng yaxshi o'yinlarimizdan biri bo'ldi. Keyingi o'yinda ham o'yinimizni yanada yaxshilab, ijobiy natijaga erishishga harakat qilamiz.

Bugungi o'yinda himoya chizig'idan ko'nglim to'ldi. Ba'zi xatolarimiz bor. O'yindan o'yinga bu xatolarni to'g'irlashga va o'yinimizni yanada shakllantirishga harakat qilamiz”, - deydi Kuper.