Neymar so'nggi 6 yilda ilk marta singlisining tug'ilgan kuni va karnavalga bormaydi

"PSJ" hujumchisi Neymar bu safar 22-25 fevral kunlari Braziliyada o'tadigan karnavalda ishtirok eta olmaydi.

"Katta xursandchilik bilan shuni ma'lum qilamanki, ushbu yilda Braziliyadagi karnavalni o'tkazib yuboraman. Bu safar hech qanday bahslashishga o'rin yo'q. Rahmat. Baxtli karnaval!", - dedi Neymar Instagram'da qoldirgan xabari orqali.

Neymar Evropaga ko'chib o'tganidan buyon so'nggi 6 yilda karnavalda ishtirok etish uchun sabab topayotgan edi. Bundan tashqari, u so'nggi olti yilda ilk marta 11 mart kuni bo'ladigan singlisining tug'ilgan kuniga bora olmaydi. Futbolchi Evropadagi faoliyatining dastlabki 2 yilida sariq kartochkalarining jamlanmasi tufayli yuzaga keladigan diskvalifikatsiyani singlisining tug'ilgan kuniga "to'g'rilagan" bo'lsa, keyingi 3 yilda u jarohat olgan edi.

Bu esa "PSJ" 11 mart kuni Evropa chempionlar ligasining nimchorak final bosqichi doirasida "Borussiya Dortmund"ga qarshi javob o'yinini o'tkazadi. Shu bois, Neymar Braziliyaga bora olmaydi.