Levandovski "Barselona" rahbariyatiga o'z istagini ma'lum qildi

"Barselona"ning polshalik hujumchisi Robert Levandovski klubda qolishga tayyor. Bu haqda Diario SPORT xabar bermoqda.

Manbaga ko'ra, Levandovski klub rahbariyatiga keyingi mavsumda ham "Barselona" safida to'p tepishga tayyorligini bildirgan. Buning uchun futbolchi maoshining pasayishiga rozi bo'ladi. Bundan tashqari, u klubda kamroq ahamiyatga ega bo'lishga rozi. Ta'kidlanishicha, "Barselona" bosslari yanvardan oldin qaror qabul qilmoqchi emas.

Joriy mavsumda 37 yoshli Levandovski barcha musobaqalarda 16 ta o'yinda maydonga tushib, 8 ta gol urdi va 1 ta golli uzatmani o'z hisobiga yozdirib qo'ydi. Hujumchining "ko'k-anorranglilar" bilan shartnomasi yozgacha mo'ljallangan.