Sneyder: "100 foiz kafolat beraman, u kelasi mavsumda "Oltin to'p"ni qo'lga kiritadi"

Milanning "Inter" klubi sobiq yarim himoyachisi Uesli Sneyder "Oltin to'p" uchun kurashda Frantsiya terma jamoasi va Madridning "Real" klubi forvardi Kilian Mbappening imkoniyatlari haqida gapirdi.

"Ishonchim komilki, Mbappe kelasi yili mukofot sohibiga aylanadi. 100 foiz kafolat beraman. Kilian hujum markazida ajoyib o'ynay boshladi. "Real"ga endi Xolandning keragi yo'q. Mbappeda bu pozitsiyada o'ynash uchun barcha kerakli sifatlar bor," - deya niderlandiyalikning so'zlarini keltiradi Marca gazetasi.

Frantsiyalik hujumchi 2025/2026 yilgi mavsumda "qirollik klubi" safida 19 ta o'yinda ishtirok etgan. Kilian o'z hisobiga 23 ta gol va 3 ta golli uzatmani yozdirib qo'ydi.