Asian Cup. O'zbekiston terma jamoasi yirik hisobda g'alaba qozonib pley-off masalasini hal qildi

Osiyo kubogi guruh bosqichi 2-turidan o'rin olgan Turkmaniston va O'zbekiston o'rtasidagi bahs yakunlandi. Unda milliy terma jamoamiz yirik 4:0  hisobida g'alaba qozondi.

Uchrashuvni hamyurtlarimiz hujumkor boshladi va 17-daqiqada bu o'z samarasini berdi Doston Hamdamovning qanotdan oshirgan to'pini Javohir Siddiqov darvozaga yo'llab qo'ydi.

Oradan 7 daqiqa o'tgach Shukurovning ajoyib pasini Shomurodov golga aylantirdi. Goldan so'ng ustinlik yaqqol terma jamoamiz a'zolariga o'tib ketdi.

O'yinning 40-daqiqasida Jaloliddin hisobni 3:0 ko'rinishiga keltirib qo'ygan bo'lsa, oradan 2 daqiqa o'tgach yana Shomurodov nomini tabloga yozdirib qo'ydi. Shu tariqa birinchi bo'lim 4:0 hisobida yakunlandi.

Ikkinchi bo'limni ham hamyurtlarimiz ancha faol boshlashdi. Ikkinchi bo'lim boshida Akmal Shorahmedov o'rniga Kuper Davron Xoshimovni tushirdi.

Terma jamoamiz a'zolari bir qator qulay vaziyatlarga ega bo'lishdi biroq boshqa gol ura olishmadi. Ba'zi vaziyatlarda darvoza ustuni halal bergan bo'lsa ba'zida hujumlar yakuniga etmay qoldi.

Shu tariqa, O'zbekiston terma jamoasi ikkinchi o'yinda ham g'alaba qozonib, muddatdan avval pley-off masalasini hal qildi. 

Osiyo kubogi, 2-tur.

“F” guruhi.

Turkmaniston – Uzbekiston 0:4

Gollar: 0:1 – 17 Sidikov, 0:2 – 24 Shomurodov, 0:3 – 40 Masharipov, 0:4 – 42 Shomurodov.

Turkmaniston – Orazmuxamedov, Batiirov, Saparov, Babadjanov, Ilyasov, Xodjaev, Mingazov, Ataev (Annaev, 44), Annaorazov, Amanov (Titov, 65), Orazsaxedov (Annadurdiiev, 46).

Uzbekiston – Nesterov, Ismoilov, Tuxtaxujaev, Shoraxmedov (Xoshimov, 46), Zoteev, Ahmedov (Musaev, 76), Shukurov, Siddiqov (Aliboev, 68), Hamdamov, Masharipov, Shomurodov.

Ogohlantirishlar: Ismoilov (71).

Jaloliddin Qobiljonov