Breytueyt tanishtiruv marosimida “ishkal” qildi (Video)

Kataloniyaning «Barselona» klubi «Leganes» hujumchisi Martin Breytueytni 18 million evroga sotib olganini rasman e'lon qilgandi.

Futbolchi kecha kamera qarshisida «ko'k-anorranglilar» bilan 4 yillik bitim tuzdi, keyin fotosessiya o'tkazish uchun maydonga yo'l oldi va to'p bilan qanday muomila qilishini ko'rsatib qo'ymoqchi bo'ldi... Lekin, bu ishni amalga oshirmagani yaxshi edi...

Daniyalik futbolchi «kamalak» fintini amalga oshirmoqchi bo'lib, to'pni harakatga keltirishni boshladi, biroq, birinchi urinish omadsiz chiqdi. Ammo Martin yana ushbu fintni amalga oshirmoqchi bo'ldi, lekin bu safar ham omadli chiqmadi. Shu tariqa, u birinchi kundanoq etarlicha kulguga sabab bo'ldi.