"Atlanta" bosh direktori saraton tufayli o'z ishiga qaytmaydi

"Atlanta Yunayted" bosh direktori Gart Lagervey saraton kasalligi tufayli kelasi mavsumda o'z lavozimiga qaytmaydi. Bu haqda ESPN nashri xabar bermoqda.

Manbaga ko'ra, 52 yoshli Lagerveyga iyul oyida saraton tashxisi qo'yilgan, shundan so'ng klub uning ta'tilga chiqayotganini e'lon qilgan. Gart ma'lum vaqtdan so'ng jamoaga qaytdi, ammo oktyabr oyida faqat sog'ayishga e'tibor qaratish uchun yana ta'til oldi.

Klub vakilining ta'kidlashicha, Lagerveyga o'rinbosar qidirilmoqda, agar o'rinbosar topilsa, u "Atlanta" va o'tgan oyda tashkil etilishi e'lon qilingan Milliy ayollar futbol ligasi jamoasini boshqarishni o'z ichiga olgan kengaytirilgan vazifalarni bajaradi.