Angliya terma jamoasi a'zosi «Siti» va «MYu» o'rtasida tanlov amalga oshirdi

"Nottingem Forest" markaziy yarim himoyachisi Elliot Andersonga "Manchester Siti" katta qiziqish bildirmoqda. Futbolchi "Siti" sport direktori Ugu Viana va klub skautlarida katta taassurot qoldirgan. Bu haqda Sasha Tavoleri xabar berdi.

"O'rmonchilar" futbolchiga katta narx belgiladi. "Forest" Anderson uchun kamida 100 million funt olmoqchi. Xavbekning o'zi ham atrofidagilarga bo'lajak klubi sifatida "Manchester Siti"ga ustunlik berayotganini ma'lum qilgan.

Avvalroq, futbolchiga "Manchester Yunayted" qiziqish bildirayotgani haqida xabarlar tarqalgan edi. Bu mavsumda Elliot Anderson "Nottingem Forest" safida 17 ta o'yin o'tkazib, 1 ta gol urgan va 1 ta golli uzatmani amalga oshirgan.