Bokschilarimiz litsenzion musobaqaga jiddiy hozirlik ko'rishmoqda

Xabar berganimizdek, ayni kunlarda boks bo'yicha O'zbekiston terma jamoasi Iordaniyaning Amman shahrida Tokio Olimpiadasiga yo'llanma beruvchi litsenzion musobaqaga hozirlik olib bormoqda. Jamoaga AQShda professional boksda navbatdagi g'alabasini qo'lga kiritib qaytgan Bektemir Meliqo'ziev ham qo'shildi.

Marat Qurbonov qo'l ostidagi jamoa kuniga ikki mahal belgilab olingan reja asosida shug'ullanmoqda. Murabbiylar shtabi ushbu yig'in yakuni bo'yicha litsenzion turnirda qatnashuvchi bokschilarning yakuniy ro'yxatini e'lon qilishadi.