Suv ustidagi stadion haqida eshitganmisiz? Savdo markazi tomidagi stadion haqidachi?

Stadion.uz dunyodagi eng noodatiy stadionlar haqidagi ma'lumotlarni taqdim etadi.

Bugungi kunda zamonaviy stadionlar birorta muxlisni hayron qoldirmay qo'ydi. Sababi, dunyoning istalgan katta shaxarlariga bormang, hech yo'q bitta jahon standartlariga javob beruvchi arenaga ko'zingiz tushadi. Bugun biroz o'zgacharoq uslubdagi stadionlar bilan tanishtirib o'tamiz.

 

«Ottmar Hitsfeld stedium»

 

Shvetsaraiyadagi Pond qishloqchasi o'zining shu nomdagi jamoasi bilan emas, noodatiy ko'rinishga ega stadioni bilan mashxurlikka erishgan. Mahaliy Pond jamoasi “Ottmar Hittsfeld” nomi berilgan mo''jazgina o'yingohda o'z uy uchrashuvlarini o'tkazadi.

Ushbu o'ziga xos arena Alp tog'larida joylashgan bo'lib, dengiz satxidan ikki ming metr balandlikda bunyod etilgan. Qizig'I shundaki, stadionga to'g'ridan-to'g'ri elituvchi yo'l mavjud emas. Xatto futbolchilar ham Pond yaqinidagi Stalden qishlog'ida joylashgan kanatdan foydalanishga majbur bo'lishadi. Shunga qaramay, ushbu o'yingoh turistlar orasida juda mashxur.

«Svangaskard stedium»

 

Farer orollari terma jamoasining uy stadioni sanalmush “Svangaskard” ham dunyodagi eng o'zgacha joylashuvga egalardanbiri. Toftir shaxrchasida joylashgan stadion dunyoning eng go'zal stadionlaridan tuzilgan top-100 shortlistidan joy olgan.

O'yingoh dengiz bo'yida bunyod etilgan bo'lib, unda to'p surish biroz noqulay. Ayrim uchrashuvlarda stadiondagi bolboylar stadiondan chiqib ketgan to'plarni olib kelish uchun suvga tushishlariga to'g'ri keladi. Bundan tashqari, katta tribuna o'rnini qoyalar tashil etgani bois, Evropada bu stadionni erkalab “Eco Arena” deb ham atashadi.

“Braga stedium”

 

Potguliyaning Braga shaxrida qad rostlagan o'yinhog o'zining tabiat bilan uyg'unlikda bunyod etilgani bilan juda mashxur.Arena 2004-yilda o'tkazilgan Evropa chempionati uchun qurilgan bo'lib,stadion o'ziga hos landshaftga ega. Ma'lumotlarga qaraganda, “Braga stedium” Portugaliyaning eng qimmat arenalaridan biri. Uni qurish uchun 83 million evro sarflangan.

O'z bag'riga 30 ming muxlisni sig'dirishiga qaramay, o'yingoxning atigi 2 ta tribunasi bor xolos. Katta qoynaning o'rtasida qurilgan “Braga”ning markaziy tablosi katta tosh qoya ustida joylashgan bo'lib, ikkita tribuna tomlari temir troslar bilan bir-borga mahkamlangan. Bu stadion qurib bitkazilgan yili “Four Four Two” nashri tomonidan “futbol durdonasi” nominatsiasini qo'lga kiritgan.

“Gaosiyun national stedium”

Tayvanda joylashgan “Gaosiyun” o'yingohi juda muhtasham qurilgani bilan emas, tabiatga katta foyda keltirgani uchun bugungi ro'yxatimizdan joy olmoqda.

2009-yilda qurib bitkazilgan stadion nafaqat futbol, balki boshqa sport turlarini ham o'zida o'tkazishga mo'ljallangan. Arena bir paytning o'zida 55 ming muxlisga hizmat ko'rsatishi bilan emas, o'zining noodatiy tomi bilan mashxur. Quruvchilar stadion tomiga 884 ming dona quyoshdan quvvat oluvchi plitalarini o'rnatishgan bo'lib, stadion o'zini-o'zi elektr quvvati bilan ta'minlashga qodir. Muhandislarning aytishicha, “Gaosiyun” Butun dunyoda birinchilardan bo'lib quyosh enenrgiyasida ishlaydigan binolarda biri ekan. Ha aytgacha, “Gaosiyun” bo'sh bo'lgan paytlari stadiondagi quyosh plitalaridan olingan sof elektr quvvati atrofdagi ko'chalarni yoritish uchun ishlatiladi.

“Vajdovats» o'yingohi

2013-yilning birinchi sentyabr sanasida Belgraddagi savdo markazlaridan birida qattiq shovqin ko'tarildi. Nimaga deysizmi? Axir o'sha savdo markazi tomida Serbiyaning “Vajdovats» klubi uy o'yinlarini o'tkazadiku!

Darhaqiqat, bunga ishonish qiyin bo'lsada, serb klubi soliqlardan qochish uchun shu yo'lni tanlashga qaror qildi. Ushbu klub stadioni tomda joylashgan bo'lishiga qaramay, o'z bag'riga 5 ming muxlisni sig'dira oladi. O'zimizdagi “Lokomotiv” stadionidan biroz kamroq xolos. Shunga qaramay, xatto shu stadionda ham mavsumiy obonamentlar sotiladi va ularni qo'lga kiritish ham oson emas. Stadion 105-65 metr bo'lib, uning suniy chimi Germaniyadan olib kelingan. Xozirga qadar nemislar ushbu stadion chimini idial tarzda saqlab kelishmoqda. Bunday Stadionlar Evropada yana 3 ta mavjud, biroq “Vajdovats» Serbiyaning oliy dvizionida harakat qilgani uchun ayanan unga to'xtalishga qaror qildik.

“Marina Bay”

 

Suvda joylashgan stadion haqida eshitganmisiz?

So'nggi 10 yil davomida Singapurda qurilish shu qadar ko'p bo'ldiki, shunchaki stadion qurishga joy qolmadi. Shu sababli, quruvchilar “Marina Bey” qirg'og'I yaqinida o'zgacha arena bunyod etishdi. Turli sport o'yinlaridan tashqari, stadion oldidagi trasadan formula1 musobaqalarida ham foydalanishadi. Eng qizig'i shundaki, stadion suvda, tribunalar quruqlikda joylashgan. Quvonarlisi esa, stadion o'z bag'riga bir paytning o'zida 30 ming muxlisni sig'dirish mumkin. Suvdagi arena 1070 tonna yukni ko'tarishga mo'ljallanga.

Boshqacharoq qilib aytganda, 9 ming odam uning ustida xordiq chiqarishi mumkin. Ajabtovurligi bilan mashxur stadion 2007-yilda qurilgan bo'lishiga qaramay, bu erda bir nechta katta musobaqalarni o'tkazishga ulgurgan.

Manba: Stadion.uz