PSJ prezidenti pora berganlikda ayblamoqda

PSJ prezidenti Nasser Al-Xelaifi FIFAning sobiq bosh kotibi Jerom Valke bilan Jahon chempionati o'yinlari translyatsiyasini o'tkazish huquqini tarqatishda pora berganlikda ayblandi.

Goal.com portaliga ko'ra, Shveytsariya bosh prokurori qatarlik biznesmenga qarshi ayblov e'lon qildi.

Al-Xelaifi, shuningdek, BeIN media guruhining rahbari, 2026 va 2030-yilgi Jahon kubogi o'yinlarini translyatsiya qilish huquqini noqonuniy ravishda qo'lga kiritgan.

Prokuraturaning ta'kidlashicha, Al-Xelaifi Valkega Sardiniyadagi villani sotib olish huquqini bergan va uning kompaniyasiga 1,25 mln evro to'lagan.