Toshkentda (VAR) video yordamchi hakamlar tayyorlash bo'yicha seminar bo'lib o'tadi

Ertaga, 21 fevral kuni poytaxtimizda (Video Assistant Referee) video yordamchi hakamlar tayyorlash bo'yicha navbatdagi seminar start oladi. Mazkur seminar VAR tizimi bilan ishlaydigan hakamlar ko'nikmalarini oshirish maqsadida tashkil etilmoqda.

Seminarda mamlakatimizning har bir hududidan jami 60 nafar bosh hakam hamda yordamchi hakamlar ishtirok etishadi. Seminarni FIFA yo'riqchisi Farhod Abdullaev olib boradi. O'quv jarayoni 23 fevralga qadar davom etadi.

Ushbu jarayonda hakamlar VAR tizimidan foydalanish bo'yicha ham amaliy, ham nazariy bilimlar olishadi.

Qayd etish joiz, VAR tizimi bo'yicha ishlash uchun hakamlar ma'lum belgilangan soatlar miqdorida tahsil olishlari lozim bo'ladi. O'zbekistonlik hakamlarning mazkur yo'nalish bo'yicha tahsil olish jarayoni 9 oy davom etishi ko'zda tutilgan.