FIFA reytingi: O'zbekiston 85-pog'onani saqlab qoldi

Xalqaro futbol assotsiatsiyalari federatsiyasi (FIFA) bugun dunyo terma jamoalarining yangi reyting jadvalini e'lon qildi.

O'zbekiston terma jamoasi o'tgan oyda egallab turgan 85-pog'onani saqlab qoldi. Termamiz hisobidagi ballar soni ham o'zgarmadi — 1289 ochko. Jamoamiz Osiyo qit'asida 11-o'rinni egallab turibdi. Qit'amizda Yaponiya (28-o'rin), Eron (33), Janubiy Koreya (40), Avstraliya (42), Qatar (55) va Saudiya Arabistoni (67) terma jamoalari yuqori pog'onalarni band etishgan.

Umumiy reytingni ham Belgiya terma jamoasi boshqarib turibdi. Frantsiya va Belgiya kuchli uchlikka, Angliya va Urugvay esa kuchli beshlikka kirishgan.

FIFA reytingi (top-10):

1. Belgiya (1765 ochko)
2. Frantsiya (1733)
3. Braziliya (1712)
4. Angliya (1661)
5. Urugvay (1645)
6. Xorvatiya (1642)
7. Portugaliya (1639)
8. Ispaniya (1636)
9. Argentina (1623)
10. Kolumbiya (1622)
…
85. O'zbekiston (1289)