Mourino: "Agar imkonim bo'lganida o'zimizni darhol 1 iyulga ko'chirgan bo'lardim”

Londonning "Tottenxem" klubi bosh murabbiyi Joze MourinoEChL doirasida "Leyptsig" (0:1) klubiga qarshi bo'lib o'tgan uchrashuvdan keyingi fikrlari bilan o'rtoqlashdi.

"Yigitlar qo'lidan kelgan barcha ishni qilishdi. Jamoamiz ajoyib futbolchilardan tashkil topgan. Biz bor kuchimizni berib harakat qildik. Ajoyib qo'llab-quvvatlagani uchun muxlislarga rahmat aytmoqchiman.

Bu uchrashuvda hali hech narsa hal bo'lmadi. O'z maydonidagi 0:1 hisobida mag'lubiyatga uchragan yagona jamoa emasmiz. Birinchi uchrashuvda mag'lub bo'lib, keyinchalik keyingi bosqichga yo'l olgan jamoalar jamoalar ko'p, nima uchun biz bu ishni amalga oshirmasligimiz kerak?

Lo Chelso fantastik o'yin namoyish etmoqda. U maydon markazida yaxshi o'ynadi, lekin sariq kartochka olmaslikka harakat qilishi kerak edi. Oxirgi 20 daqiqa u to'p bilan ajoyib munosabatda bo'ldi.

"Leyptsig"ning zahirasida ko'p futbolchilar boridi. Men oldinda LukasMouro va Bergveynlar bilan natija qilishga harakat qildim, lekin ularda charchoq alomatlari sezilib qoldi. Agar o'yinni tahlil qilmoqchi bo'lsangiz, u holda bizning vaziyatlarimizga nazar tashlang.

Biz juda qiyin vaziyatdamiz. O'z futbolchilarim bilan faxrlanaman. Meni xavotirga solayotgan narsa shuki, bu vaziyat mavsum oxirigacha davom etadi. "Leyptsig" bilan javob uchrashuvida maksimum tarzda yaxshi o'yin namoyish etishimizni kafolatlayman.

Tarkibimizdagi futbolchilardan kelib chiqqan holda o'yin sxemamizni almashtirishga harakat qilamiz. Agar imkonim bo'lganida o'zimizni darhol 1 iyulga ko'chirgan bo'lardim. Lekin biz oxirigacha kurashishimiz shart", - Mourinnoning so'zlaridan iqtibos keltirmoqda UEFA.