Nagelsman — EChL pley-off bosqichida ishtirok etgan eng yosh murabbiy

Evropa chempionlar ligasining nimchorak final bosqichi doirasida «RB Leyptsig» safarda «Tottenxem» klubi mehmoni bo'lib, kichik hisobda g'alaba qozondi.

Shu tariqa, germaniyaliklar ustozi Yulian Nagelsman musobaqa tarixida pley-off bosqichida ishtirok etgan eng yosh murabbiyga aylandi. Kecha oqshom u 32 yoshu 211 kunlik edi. Bu borada avvalgi rekordchi Domeniko Tedeskoga tegishli edi (33 yoshu 161 kun). Tedesko 2018/19 yilgi mavsumda «Shalke» boshqaruvida rekord o'rnatgan edi.

Nagelsman o'tgan yilning yozida «RB Leyptsig» bosh murabbiyiga aylangan edi. Uning qo'lostida jamoa EChL guruh bosqichida «Lion», «Benfika» va «Zenit»ni mag'lub etdi.