"Bavariya" murabbiyiga boshqa klublardan takliflar bor

Myunxenning "Bavariya" klubi rahbariyati jamoa bosh murabbiyi Xans-Diter Flik bilan shartnomani uzaytirish niyatida deya xabar bermoqda Bild.

Manbaning yozishiga qaraganda, klub rahbariyati jamoaning ko'rsatayotgan o'yinidan va qayd etayotgan natijasidan qoniqmoqda, shu sababli, boshqa klublardan taklif olgan murabbiy bilan shartnoma imzolab, uni jamoada olib qolish niyatida.

Eslatib o'tamiz, 54 yoshli Flik "Bavariya" klubini Niko Kovach iste'foga chiqarilganidan keyin qabul qilib olgandi. Uning jamoa bilan tuzgan shartnomasi 2020 yilning yozigacha amal qiladi.