Joze Mourino: «Tottenxem» o'qsiz to'pponchaga o'xshab qoldi»

«Tottenxem» bosh murabbiyi Joze Mourino Evropa chempionlar ligasining nimchorak final bosqichi doirasida bo'lib o'tgan «RB Leyptsig»ga qarshi o'yin (0:1) borasida o'z fikrlarini bildirib o'tdi.

Ikkita o'zgarishdan keyin maydonda haqiqiy «shporlar»ni ko'rdik

«Haqiqiy «shporlar», nima degani? Keling, yigitlarga rahmat aytamiz, ular qo'ldan kelgan barcha ishni qilishdi.

Lamela [zaxiradan tushganlardan biri] — jamoa bilan nechta mashg'ulotdan ishtirok etganini bilasizmi? Nol. Jarohatdan keyin fizioterapevt bilan tiklanish jarayonini o'tayotgan edi. Keyin esa darhol Chempionlar ligasida maydonga tushib, 20 daqiqa o'ynadi.

Ikkita nuqta nazar bor. Biz ajoyib jamoa, ajoyib yigitlar yig'ilgan, lekin, boshqa tomondan, hozirgi holatimizni ko'rib turibsiz. Bu go'yoki jangga o'qsiz to'pponcha bilan borishga o'xshaydi.

Ba'zi vaziyatlarda bizga omad kulib boqdi, ammo bizning ajoyib darvozabonimiz ikkita seyvni amalga oshirdi.

Men 0:1 hisobidan xavotir olayotganim yo'q, biz safarda g'alaba qozonishimiz mumkin. Men xavotirga solayotgan tomoni shunday iboratki, mavsumning qolgan o'yinlari uchun ixtiyorimizda faqat shu futbolchilar bor.

Moura to'liq charchadi, Bergveyn holdan toydi, Lo Chelso sillasi quridi. Bizda jiddiy muammolar bor. Agar bu bitta o'yin bo'lganida, muammo yo'q, deb aytgan bo'lardim. Ammo bizni oldinda APL va Angliya kubogi bahslari kutib turibdi», – dedi Mourino.