Ilichich: "Valensiya"ga qarshi o'yinda g'alaba qozonish uchun maydonga tushamiz

"Atalanta" EChLning 1/8 finalining birinchi o'yinida "Valensiya"ni qabul qiladi.

Yosip Ilichich "Atalanta" g'alaba uchun o'ynashiga va raqibga imkon qoldirmaslikka harakat qilishiga ishonmoqda.

"Bunday yuqori darajada texnik tayyorgarlikka ega bo'lgan jamoaga qarshi juda qiyin bahs bo'ladi. Biz ham kuchli tomonlarimizni bilamiz, g'alaba uchun o'ynaymiz, ko'p xatolarga yo'l qo'ymaslikka harakat qilamiz va ijobiy natijaga erishamiz. Biz raqibga bo'sh joy qoldirmasligimiz kerak, barchamiz himoyaga yordam berib, o'z imkoniyatlarimizni ishga solishimiz shart", - dedi Ilichich Football Italia nashrida.