Partey: «Umid qilamanki tez orada «Atletiko» bilan shartnomani uzaytiraman

"Atletiko" yarim himoyachisi Tomas Parteyning so'zlariga ko'ra uning agenti klub bilan shartnomani uzaytirish bo'yicha muzokaralarni boshlagan.

"Mening agentim allaqachon "Atletiko" bilan yangi shartnoma borasida muzokaralar olib bormoqda.

Ushbu jamoaning akademiyasida o'ynagan barcha yosh futbolchilar singari men ham bu erda, Madridning buyuk klubi uchun o'ynashni xohlayman. Men evropaning boshqa jamoalari e'tiborini jalb qilayotganimdan g'ururlanaman, bu mening hamma narsani to'g'ri qilayotganimni ko'rsatadi va isbotlaydi, biroq "Atletiko" barchasidan ustun - dedi Partey.