Fabritsio Romano «Yuventus» va Devid o'rtasidagi vaziyat haqida fikr bildirdi

So'nggi xabarlarga qaramay, “Yuventus” ham, kanadalik hujumchi Jonatan Devid ham qishki transfer oynasida ajralish niyatida emas.

Fabritsio Romano ma'lumotiga ko'ra, bu haqda tarqalgan xabarlar asossiz bo'lib, jamoa va futbolchiga yaqin manbalar vaziyatni "vazminlik bilan baholash kerak" deb ta'kidlagan.

Ayni paytda 25 yoshli forvard to'liq diqqatini “Yuventus”dagi faoliyatiga qaratgan va klub bilan yangi bosqichni muvaffaqiyatli o'tkazishni maqsad qilgan.

Shuningdek, boshqa klublar bilan hech qanday muzokaralar yoki aloqalar bo'lmagani ma'lum qilindi.

Avvalroq, Devidni "Tottenxem", "Bavariya" va "Chelsi" o'z safiga qo'shib olishga tayyorligi haqida xabarlar chiqqan edi.