Klopp: "Rejadagidek o'ynay olmadik"

Angliyaning "Liverpul" klubi bosh murabbiyi Yurgen Klopp APLning 26-tur doirasida"Norvich" (1:0) klubiga qarshi o'yindan keyingi fikrlari bilan o'rtoqlashdi.

"Ba'zi bir sabablarga ko'ra, o'yin qiyin kechdi. Shamol, raqibning tashkil qilgan o'yini va birinchi bo'limda ko'rsatgan o'yinimiz vaziyatimizni qiyinlashtirdi.Chiziqlar orasida farq juda katta bo'ldi, biz uzun paslarga juda erta o'tib ketdik. Bu biz rejalashtirgan o'yin emasdi. Raqibga qarshi pressing uyushtirishdan foydalanmadik.

Fabinoning maydonga tushishi biz uchun muhim edi. Mane tetik edi va uning goli bizga g'alaba olib keldi", - dedi Klopp Sky Sports portaliga.