Holand Bundesliga rekordchisiga aylandi

Dortmundning "Borussiya" klubi hujumchisi Erlin Holand Germaniya chempionatining 22-turida "Ayntraxt"ga qarshi o'yinda (4:0) gol urdi.

19 yoshli futbolchi uchun bu Bundesligadagi debyutidan keyin o'tkazilgan beshta uchrashuvdagi sakkizinchi goliga aylandi.

U Bundesliga tarixidagi dastlabki 5 ta uchrashuvida 8 ta gol urgan yagona o'yinchidir.

Eslatib o'tamiz, Holand 1-yanvar kuni 20 million evro evaziga "Red Bull" jamoasidan "Borussiya"ga o'tgan edi.

Uning shartnomasi 2024 yil 30 iyungacha amal qiladi.