“Barselona” sobiq futbolchisi koronavirus sabab Xitoyni tark etishi mumkin

Kataloniyaning “Barselona”, “Manchester Siti” va Kot-d'Ivuar terma jamoasi sobiq yarim himoyachisi Yaya Ture Xitoyning “Tsindao Xuanxay” klubini tark etib, Paragvay chempionatiga yo'l olishi mumkinligi haqida Ole nashri xabar bermoqda.

Manbaning yozishicha, futbolchini koronavirus sababli Xitoydagi vaziyat qoniqtirmayapti. Koronavirus sababli, Xitoy chempionati noma'lum muddatga qoldirilgan.

Paragvayning “Libertad” klubi taniqli futbolchini sotib olishga tayyor. Taniqli futbol agenti Rodrigo Kodas ushbu bitimni amalga oshirishga yaqindan yordam bermoqchi. U yaqinda Emmanuel Adebayorni Turkiyaning “Kayserispor” klubidan Paragvayning “Olimpiya” klubiga o'tishiga bosh-qosh bo'lgandi.