Dzyuba yanvar oyida «Tottenxem»ga o'tishga yaqin kelganini bilasizmi?

Rossiyaning «Zenit» klubi hujumchisi Artyom Dzyuba yanvar oyida «Tottenxem» klubiga o'tishga yaqin kelgani haqida so'zlab berdi.

«Tottenxem»da men uchun taklif tayyor edi. Tan olaman, ushbu taklif men uchun qiziqarli bo'lgan edi, chunki men shu paytgacha Rossiyadan tashqarida o'ynamaganman. Lekin men uchun Rossiyada qolish muhim. Qolaversa, bu takliflar qishki transfer oynasida bo'ldi va xuddi men kabi klubimiz rahbariyati ham rad javobni berdi.

O'ylaymanki, agar «Tottenxem» qat'iyat bilan harakat qilganida, meni qo'lga kiritgan bo'lardi. Biroq, “Zenit”da qolganimdan xursandman. Rossiya chempioni bo'lishni xohlayman. Bizda ajoyib jamoa bor», — dedi Artyom Dzyuba.