Toshkentda Osiyo ot sporti federatsiyasining Bosh Assambleyasi yakunlandi

Xabar berib o'tganimizdek, Toshkent shahri 10-12 dekabr kunlari Osiyo ot sporti federatsiyasining Bosh Assambleyasiga mezbonlik qildi.

Asosiy masala – federatsiya faoliyatini muvofiqlashtirishda katta ahamiyatga ega bo'lgan Nizomni yangilash edi.

Ishtirokchilar ovoz berish qoidalarini, musobaqalar vaqtidagi me'yorlarni muhokama qilishdi. Yakunda yangi Nizom tasdiqlandi. Bu orqali Osiyo ot sporti federatsiyasi tarixida yangi sahifa ochilmoqda.

O'z navbatida, Osiyo ot sporti federatsiyasi rahbariyati mazkur Assambleyani yuqori saviyada tashkil eta olgani uchun O'zbekiston yilqichilik va ot sporti federatsiyasiga minnatdorchilik bildirdi. Bundan tashqari O'zbekistonda ot sporti rivojlanib borayotgani alohida qayd etildi.