Konte: «Bu kecha «Inter» uchun muhim edi»

Italiyaning «Inter» klubi bosh murabbiyi Antonio Konte «Milan» klubi ustidan qozonilgan g'alaba haqidagi fikrlari bilan o'rtoqlashdi.

«Bu kecha «Inter» uchun juda muhim bo'ldi. Birinchi bo'limdan keyin bizda joriy mavsumning eng katta muammosi bo'ldi. Muvaffaqiyatsizlikka juda yaqin edik. Ammo, keyinroq muvozanatni qaytarib oldik. Bularning barchasi futbolchilarning mehnati.

Tanaffus paytida ko'p gapirishimga hojat yo'q edi. O'ylaymanki, qiyin vaziyatda har bir futbolchi o'z vazifasini bilib qilishi kerak va ma'suliyatni o'z zimmasiga olishi shart. Birinchi bo'limdagi 0:2 hisobidan keyin mening bo'ynimda katta javobgarlik turgandi. Lekin biz qiyin vaziyatdan chiqish uchun o'yinni boshidan oxirigacha birga bo'ldik. Biz bu  oqshomni unutmasligimiz kerak, chunki bu oqshom keyinchalik bizning birlashishimizga va qiyinchilikdan chiqib ketishimizga yordam beradi», - dedi Konte Sky Sport Italia portaliga.