Vadim Abramov: «Mavsumni Termizda boshlashning yaxshi tarafi bor»

Xabaringiz bor, bugun Coca Cola Superliganing yangi mavsumiga qur'a tashlandi. Qur'a marosimidan so'ng jamoamiz bosh murabbiyi Vadim Abramovning fikrlari bilan qiziqdik.

"Qur'a marosimi odatdagidek o'tdi. Birinchi turni safarda, yana Termizda o'tkazishni yaxshi tomoni shuki, hali shahar issiq bo'lmaydi. Bunisi biz uchun yaxshi. Ikkinchi turni o'z maydonimizda «Mash'al»ga qarshi o'tkazamiz. Biz uchun hammasi joyida. Mavsumni qanday natijalar bilan boshlashimizni vaqt ko'rsatadi. (kulib) Agar g'alabalar qozonsak, demak qur'a biz uchun omadli kelgan hisoblanadi, mabodo yuta olmasak, omadsiz qur'a, deymizda", — dedi Abramov.