“Atletik” bosh murabbiyi: "Bizni yutish oson emas"

Bilbaoning «Atletik» klubi bosh murabbiyi Gaiska Garitano Ispaniya Kubogi doirasida «Barselona» klubi ustidan qozonilgan g'alaba haqidagi fikrlari bilan o'rtoqlashdi.

- Biz ajoyib jamoaviy ishni amalga oshirdik. Haqiqatdan ham, ular ikkinchi bo'limda bizga qarshi katta bosim uyushtirishdi, chunki, ularning tarkibida yaxshi futbolchilar jamlangan. Ammo biz taslim bo'lmadik. Bizni mag'lub etish oson emas. Muxlislarimiz uchun xursandman, bu gol barchamiz uchun. Bunday g'alabalar falsafamizni mustahkamlaydi, hatto qiyinchiliklarga qaramay. Bizda mag'rurlik, muxlislarning qo'llab-quvvatlashi va doimo oldinga intilayotgan jamoa bor. Uilyamsning golidan keyin xursand bo'ldim va qo'shimcha daqiqalar bo'lmasligini o'yladim», — dedi Garitano Marca nashriga.