“Bavariya” bosh murabbiyi: "Xoffenxaym" maqtovga loyiq o'yin ko'rsatdi"

Myunxenning «Bavariya» klubi o'z maydonida «Xoffenxaym» klubini 4:3 hisobida mag'lub etdi va Germaniya Kubogining keyingi bosqichiga yo'l oldi.

«Kubokda muhimi keyingi bosqichga yo'l olish. Birinchi bo'limda ko'rsatgan o'yinimizdan qoniqdim. Garchi, birinchi bo'lib gol o'tkazib yuborgan bo'lsakda, tezlik bilan hisobni tenglashtirishga erishdik va raqibga katta bosim uyushtirdik. Biroq, ikkinchi bo'limda yaxshi o'yin namoyish etmadik. Uchrashuvning 55-daqiqasidan boshlab jamoamiz biroz sustlashdi. Bizda zarur bo'lgan intensivlik yo'q edi. Keyin biz yaxshi pressing uyushtira olmadik. «Xoffenxaym» o'z o'yinini o'zgartirishga erishdi, qolaversa, biz ham ularga imkoniyat berib qo'ydik. «Xoffenxaym»ni yaxshi o'yin namoyish etdi deb maqtash mumkin. Yakunda oldimizga qo'yilgan vazifani uddaladik. Boshqa narsalarni tahlil qilib chiqamiz», - Xans Flikning so'zlaridan iqtibos keltirmoqda “Bavariya” rasmiy sayti.