Xayrulla Hamidovdan anons: Milan derbisi darajasi oshmoqda

"Latsio" bosim ostida qolishni boshlagandiki, muhim ochkolarni boy bermoqda. Uyida 0:0 hisobidagi durang. "Verona" yaxshiroq o'ynagan qizig'i...

Endi Konte Milan derbisiga xotirjam taraddud ko'rsa bo'laveradi — ikkinchi o'rindan tushmadi.

Sezyapsizmi, Milan derbisi darajasi oshmoqda?! Yaqinda o'tgan Rim derbisi singari bizga shiddatli onlarni ulashmoqchi:

"Inter" o'ninchi yillar boshidan beri endi-endi chempionlik kurashida, "Milan" esa, Zlatan kelgach ko'zini uyqudan ochdi.

Milan derbisida mezbon-mehmon darajasi yo'qligi uchun ham kurash zo'r kechadi. Bitta stadion, tanish chehralar, millioninchi marta to'qnashuv...

Ha, Italiya futboliga baribir boshqacharoq qarayman. Ayniqsa, derbilariga. Yakshanba oqshomida kechadigan bahs, ishoning, haftangizning bezagi bo'ladi. Parallel vaqtga "Betis" - "Barselona" (Seten sobiq jamoasiga qarshi) va PSJ - "Lion" o'yinlari qo'yilgan. La liga va Frantsiya chempionatiga achindim)

Milanlik tifozilar hozirdanoq petardalarni tayyorlashyapti. Ehtiyot bo'lasiz!

Xayrulla Hamidov.

Manba: https://t.me/x_hamidov