APL yozgi transfer muddatini avvalga holatga qaytarmoqchi

Angliya premer-ligasi klublari ushbu haftada yig'ilib, yozgi transfer oynasi muddatini avgust oyining oxiriga qadar uzaytirish masalasini muhokama qilishadi.

Eslatib o'tamiz, APL klublari 2018 yilgi yig'ilishda transfer oynasini mavsum boshlanishidan bir kun oldin yopishga ovoz berishgan edi. Evropaning boshqa chempionatlari ushbu tizimga o'tishmadi. Natijada Angliya klublari avgust oyi oxiriga qadar yangi o'yinchini ro'yxatdan o'tkazish imkoniyatidan mahrum bo'lish bilan birga, o'z o'yinchisini yo'qotish xavfi ostida qolishdi.

"Mazkur haftada biz ushbu masalada yig'ilish o'tkazamiz va transfer muddatiga o'zgartirish kiritamiz.

Oldimizda ikkita variant bor. Yoki hech narsa o'zgartirilmaydi, yoxud transferning so'nggi kuni avgust oyi oxiriga qadar uzaytiriladi. Yana bir zaxira varianti ham bor — gibrid tizim. Unda Premer-liga jamoalar yoz oxiriga qadar bir-birlari bilan savdolasha olmaydilar.

Shuning uchun klublar ushbu haftada bir qarorga keladilar", — APL ijrosi direktori Richard Masters "Sky Sports" nashriga bergan intervyusida.