Beylning agenti: «Garet shartnomaning oxirigacha «Real»da qoladi»

«Real» yarim himoyachisi Garet Beylning agenti Jonatan Barnett "TalkSport" radiodasturida ishtirok etib, mijozi duch kelayotgan muammolar haqida o'z fikrlarini bildirib o'tdi.

Garet Beylning vaziyati haqida
«Ko'p odamlar aslida nima bo'layotganini bilishmaydi: odamlar zarracha tasavvur ega bo'lmasdan turib gapirishayotgani alamli. Garetning hali ikki yarim yillik shartnomasi mavjud. Uning ayoli va 3 farzandi o'zlarini Madridda yaxshi his qilishmoqda.

«Tottenxem»ga o'tishi mumkinligi haqida
«Shu paytgacha «Tottenxem»ga qaytish imkoniyati bo'lmadi»

Qaysi jamoalar Beylning transferini amalga oshirishi mumkin
«Beyl "Real"da baxtli. Keling, realist bo'lamiz, ko'p jamoalar o'z chempionatlariga munosib emas. Garetga Madriddagi hayot yoqmoqda. Pul — eng muhimi emas: bu uning hayoti, uning hayot tarzi».

«Madrid» haqida
«Biz "Real" vakillari bilan gaplashdik, bo'lib o'tayotgan ishlardan ularning xabari bor. Garet o'zini jamoaning muhim a'zosi deya his qilmoqda».

Ispaniyadagi tanqidlar haqida
«Afsuski, jurnalistlar Beylning hayot tarzini, ispancha gapirmasligini muhokama qilishmoqda. Garet ularning nishoniga aylanib qolgani — alamli. U Buyuk Britaniyadan tashrif buyurgan eng yaxshi ikki yoki uch futbolchilaridan biri. Uning ustidan kulayotganlar meni xafa qiladi».

Xitoy klubiga amalga oshmagan transfer haqida
«Hozir Xitoyga yo'l olish uchun qulay vaziyat emas (kuladi). 2,5 yildan keyin Beylning shartnomasi yakunlanadi. Shundan keyin nima qilish haqida o'ylab ko'ramiz».