Skaloni Emiliano Martinesning "Manchester Yunayted"ga muvaffaqiyatsiz transferi haqida fikr bildirdi

Argentina milliy jamoasi bosh murabbiyi Lionel Skaloni "Aston Villa" darvozaboni Emiliano Martinesning "Manchester Yunayted"ga muvaffaqiyatsiz transferi haqidagi savolga javob berdi.

33 yoshli jahon chempioni "qizil iblislar" safiga qo'shilishni istadi va hatto klub bilan og'zaki kelishuvga erishdi, ammo "MYu" baribir yosh belgiyalik Senne Lammensni sotib olishni ma'qul ko'rdi.

"Emilianoning ahvoli yaxshi. Yaqinda uning tug'ilgan kuni bo'ldi, kayfiyati yaxshi. Albatta, u "Manchester Yunayted"da o'ynashdan mamnun bo'lardi, ammo u ijobiy yigit va u allaqachon terma jamoaga e'tibor qaratgan, qaytganidan keyin esa "Aston Villa"ga e'tibor qaratadi," - dedi Skaloni matbuot anjumanida.