Gvardiola Arteta haqida nimalar dedi?

Angliyaning “Manchester Siti” klubi bosh murabbiyi Xosep Gvardiola o'zining sobiq yordamchisi Mikel Arteta bilan faxrlanishini yashirib o'tirmadi.

«Bilaman, Arteta baxtiyor. U bosh murabbiy bo'lish uchun ishladi. Mikel «Arsenal»da yaxshi start oldi, u yaxshi ish olib borayotganini ko'rsatdi. Men «Arsenal» o'yinlarini kuzatib boraman. Mikelda barchasi joyida ekanligidan xursandman.

Keyingi mavsum «Arsenal» uchun muvaffaqiyatli bo'ladi. Arteta nimalar qurayotganini ko'ryapman. U o'sha qurishni boshlagan ishini yakunlash uchun yozgi transfer bozori kifoya bo'ladi», — dedi Gvardiola.