"Atletik" so'nggi imkoniyatidan foydalanishga harakat qilib ko'radi

"Atletik" Aymerik Lyaportni ro'yxatdan o'tkaza olmadi.

Avvalroq ispan klubi “An-Nassr” himoyachisi transferini kelishib, rasmiylashtirgani, biroq Saudiya klubi kelishuv haqidagi ma'lumotni TMS (Transfer Matching System)ga kechiktirgani xabar qilingandi.

AS xabariga ko'ra, FIFA 31 yoshli futbolchini ro'yxatdan o'tkazishdan bosh tortgan. "Atletik" bu qaror bo'yicha Sport arbitraj sudiga shikoyat qilish huquqiga ega.

Bu klubning futbolchini qishgacha ro'yxatdan o'tkazishi uchun yagona imkoniyatidir.