"Chelsi" yosh futbolchisining transferi nima uchun barbod bo'ldi?

Tayrik Djordjning "Chelsi"dan "Fulxem"ga o'tishi Xarri Uilson tufayli amalga oshmay qoldi.
The Athletic xabariga ko'ra, klublar 19 yoshli vingerni 22 million funt sterlingga sotib olishga rozi bo'lishgan edi.

"Chelsi"ning yosh futbolchisi hatto tibbiy ko'rikdan o'tdi, ammo kelishuv amalga oshmadi.

The Guardian jurnalisti Jeykob Shtaynbergning so'zlariga ko'ra, transfer "ko'klar" tufayli emas, balki transfer oynasining so'nggi kunida "Fulxem"ni tark etishi mumkin bo'lgan Xarri Uilsonning klubda qolib ketgani uchun amalga oshmay qolgan.