Shirer: «Agar mavsum ertaga yakunlansa, Xendersonni mavsumning eng yaxshi futbolchisi sifatida tanlagan bo'lardim»

«Nyukasl» va Angliya terma jamoasi sobiq hujumchisi Alan Shirer «Liverpul» klubi sardori Djordan Xendersonni mavsumning eng yaxshi futbolchisi deb atadi.

— Agar mavsum ertaga yakunlansa, Xendersonni mavsumning eng yaxshi futbolchisi deb tanlagan bo'lardim, — dedi Shirer. — U aqlbovar qilmas darajadagi mavsumni o'tkazmoqda. U «Liverpul»ni oldinga chorlaydi, hamma narsani bir biriga bog'lamoqda, hujum va himoyada ishtirok etmoqda. «Liverpul»ning futbolchilariga alohida nazar tashlasangiz, Alisson, van Deyk va hujumdagi uchlikni ko'rsatish mumkin, lekin men uchun aynan Xenderson ularning asosiy kuchi” deydi sobiq hujumchi.