Mourino: «Gvardiola menga dushman emas»

Londonning «Tottenxem» klubi bosh murabbiyi Joze Mourino «Manchester Siti» klubi bosh murabbiyi Pep Gvardiola bilan dushman emasligini ta'kidlab o'tdi.

«Men va Pep uzoq munosabatlar tarixiga egamiz. U bilan bir klubda uch yil faoliyat olib borganmiz. Biroq, jamoatchilik «Bars» va «Real», «Manchester Siti» va «Manchester Yunayted», «Bars» va «Inter» jamoalari o'rtasidagi uchrashuvlardan keyin bizni dushman deb hisoblaydi.

Hech qachon Pep va Mourinolar o'rtasida raqobat bo'lmagan. Biz har doim o'zimiz boshqargan jamoani manfaatlarini ko'zlaganmiz. Bor gap shu. Gvardiola shubhasiz mening dushmanim emas», — dedi Joze Mourinyu.