Mbappe yana «PSJ» murabbiyi bilan tortishib qoldi (video)

Frantsiya chempionatining 22-turi doirasida "PSJ" o'z uyida "Monpele"ni qabul qilib, 5:0 hisobida g'alaba qozondi.

Gollarning biriga mualliflik qilgan Kilian Mbappe 68-daqiqada zaxiraga olinib, uning o'rniga Mauro Ikardi tushirildi. Mbappe maydonni tark etar ekan, Tuxelga o'z noroziligini namoyish qildi.

Germaniyalik mutaxassis futbolchiga o'z qarorini tushuntirib berishga harakat qildi. Ammo o'yinchi murabbiyni eshitishni istamadi hamda norozi bo'lgancha zaxira o'rindig'i tomon yo'l oldi.