Zidan: «Zaxiradan o'yinchi tushirish o'yin taqdiriga ta'sir ko'rsatdi»

"Real" bosh murabbiyi Zayniddin Zidan La liganing 22-turi doirasida bo'lib o'tgan "Atletiko"ga qarshi o'yin (1:0) borasida o'z fikrini bildirib o'tdi.

"Zaxiradan o'yinchi tushirish o'yin taqdiriga ta'sir ko'rsatdi. Tanaffusda ikkita o'zgarish qilishga to'g'ri kelgani meni xavotirga soladi. Ikkinchi bo'limda biz o'yinga bo'lgan munosabatimizni o'zgartirdik va har tomonlama intensiv harakat qildik. "Atletiko" birinchi bo'limda yaxshi o'ynagan bo'lsa, ikkinchi taymda biz yaxshi harakat qildik. Bu haqli g'alaba va haqli 3 ochko.

Derbi hamisha qiyin kechadi. Qo'lga kiritilgan 3 ochkodan qoniqish hosil qildik", - dedi Zidan klub rasmiy saytiga bergan intervyusida.

Manba: sports.ru