Sedrik: «Haliyam «Arsenal» futbolchisiga ekanligimga ishonmayapman»

Londonning “Arsenal” klubi yangi futbolchisi Sedrik Soaresh “kanorirlar” safiga o'tganidan keyin dastlabki intervyusini berdi.

«Men o'zgacha hissiyotlarni boshdan kechiryapman, chunki ilgari bu erda to'p surish orzudan boshqa narsa emasdi. «Sautgempton» Premer-ligada o'ynashim uchun ajoyib imkoniyat yaratib berdi. Aynan u klub «Arsenal»ga o'tishimga yo'l ochib berdi. O'zimni mana shunday jamoa futbolchisi ekanligimga hali ham ishonmayapman.

«Arsenal»ni har doim top klub degan hisoblaganman.Jamoaning ajoyib muxlislari bor. Mahalliy muxlislar jamoani qanday qo'llab-quvvatlashlarini yaxshi bilaman.

So'nggi ikki haftada “Arsenal” klubini muntazam kuzatib keldim. Jamoada Mikel Arteta bosh murabbiy bo'lganidan keyin, o'yin keskin o'zgarganini sezdim. Artetada jamoaning o'yinini kuchaytishi uchun aniq bir o'yin uslubi bor», — dedi Sedrik Soaresh.