Ronaldu buyuk bo'lish sirini ochdi

«Yuventus» hujumchisi Krishtianu Ronaldu bolalar bilan uchrashuvda qanday qilib dunyoning eng yaxshi futbolchisi bo'lishga erishganini tushuntirdi.

«Shirin pishiriqlarni eymanmi yoki yo'qmi, bilishni istaysizlarmi? Har doim foydali ovqatlarni eyishga harakat qilaman, bu men uchun muhim.

Spirtli ichimlik va shirinliklarni iste'mol qilmayman, har doim me'yorga amal qilaman.

Uchta asosiy sir bor: to'yib uxla, yaxshi ovqatlan va astoydil shug'ullan. Bu futbolchi uchun eng muhim narsalardir», - dedi «Oltin to'p»ning 5 karra sohibi.