Xayrulla Hamidovdan anons: Uch ko'rsatuv va ... O'zlik
/ Kiritdi: BestMaster Ko'rilgan: 521
Shukrki, mediamaydonda futbol haqidagi mulohazalarimni ulashadigan ko'rsatuvlar ko'p. Va yaxshi tomoni, ularning har biri o'ziga xos. Takrori yo'q.
"Futbol plyus"dagi tahlillarda asosan keskin fikrlar, yumor va qarshi mulohazalarning ko'pligiga sabab — uchlik bir-biri bilan juda yaqin, "senlashib" gaplasha oladi, qarashlardan gap nima haqdaligini fahmlab ketadi, oson kelishamiz. Futbol tili bilan aytganda, paslarni qaramay uzatadigan darajadagi tushunish bor o'rtamizda.
"Futbol studiyasi". Turli avlod suhbati. O'zimdan kelib chiqsam, "Futbol plyus"da tengqurlarim bilan gaplashib rohatlansam, "Futbol studiyasi"da o'zimdan yosh avlodning, aniqrog'i ukalarimning gaplaridan maza qilaman. Statistika, faktlar, yangicha fikrlar, qoyil qolib o'tiraman ko'pincha.
Eng muhimi, bu erda o'zimni siporoq tutaman. Hurmat qilib so'z berishganda, o'ta hazillashish ham to'g'ri kelmaydi.
... va "14-hudud". Bu g'irt o'zim bilan suhbat. Narigi ko'rsatuvlarda sheriklarim holati bilan hisoblashishga majbur bo'lsam, "14-hudud"da bu mas'uliyatdan forig'man.
Kamera qarshisida faqat o'zim bo'laman. Hech kimni kutmayman, hech kimning fikrini davom ettirmayman, shundoq, o'zim bilan o'zim gaplashib o'tiraveraman.
Ana shu "14-HUDUD" ko'rsatuvining yangi soni bugun, soat 18:00da FUTBOL TV kanalida "efirga uzatiladi.
"Futbol plyus"dan, "Futbol studiyasi"dan avaylab-asrab olib chiqqan fikrlarim bilan o'rtoqlashmoqchi bo'lsangiz, vaqtingizni ayamang. Har holda, odam o'zi bilan yolg'iz qolgandagi gaplari samimiyroq bo'ladi...
Xayrulla Hamidov.
Bosh sahifaga
234