Velosport. Olga Zabelinskaya JChga tayyorgarlikni BAAda olib boradi

Velosport bo'yicha O'zbekiston terma jamoasi a'zosi, Tokio-2020 yo'llanma egasi Olga Zabelinskaya 25 fevral – 1 mart kunlari Germaniyada o'tkaziladigan velotrek bo'yicha jahon chempionatida qatnashishi haqida xabar bergan edik. Ushbu dunyo birinchiligi Tokio Olimpiadasiga trek yo'nalishida yo'llanma beruvchi so'nggi turnirdir. Shunday ekan, mazkur musobaqaga jiddiy tayyorgarlik talab qilinadi.

Vakilimiz jahon chempionatiga tayyorgarlikni BAAda olib boradigan bo'ldi. Terma jamoamiz murabbiyi Rustam Nurtdinov 1-21 fevral kunlari o'tkaziladigan mazkur yig'inda Zabelinskayaga hamrohlik qiladi. Ta'kidlash joiz, Zabelinskaya ushbu kun oralig'ida Dubay shahrida o'tkaziladigan «Dubay women’s world tour» musobaqasida ham o'z omadini sinab ko'radi.