«Barselona» «Sassuolo» hujumchisiga ko'z tikmoqda

Italiyaning «Sassuolo» klubi hujumchisi Domeniko Berardi «Barselona» klubi skautlari nigohida turibdi.

Tuttomercatoweb saytining yozishicha, 25 yoshli hujumchi kataloniyaliklar hujumini kuchaytirishi mumkin bo'lgan nomzodlar ro'yxatida turibdi.

Jamoalar ushbu hujumchining transferi borasida muzokaralarni boshladi. Berardining transfer narxi 24 million evro atrofida baholanmoqda.

Berardi joriy mavsumda «Sassuolo» tarkibida 17 ta uchrashuvda maydonga tushib, 9 ta gol kiritdi.